Zer da Canva?

Canva diseinu-tresna digital oso erraza eta erabilerraza da. Ez duzu diseinuari buruzko ezagutza teknikorik behar: edozeinek erabil dezake modu intuitiboan. Tresna hau erabil dezakezu webgunearen bidez (https://canva.com) edo zure telefono mugikorraren eta tabletaren aplikazio-dendetan eskuragarri dagoen aplikazioaren bidez.

Zergatik da Canva erabilgarria Azkoitiko merkatari, hostalari eta enpresentzat?

Canva erabiliz, zure negozioaren irudi profesionala eta erakargarria modu sinple batean hobetu dezakezu, diseinu erakargarriak sortuz denbora gutxian. Hauek dira Canva-ren bidez sortu ditzakezun zenbait gauza:

• NIRE Azkoitia-ko eta sare sozialetarako argitalpenak : Zure dendako produktu, promozio edo albisteak ikusgarriago egin ditzakezu diseinu erakargarri eta profesionalekin.

• Bisita-txartelak : Zure negozioari nortasuna emateko behar dituzun txartel pertsonalizatuak sor ditzakezu, inprimatzeko prest eta kalitate handikoak.

• Jatetxeetako kartak : Zure taberna edo jatetxearen menuak modu erakargarrian eta profesionaltasunez diseinatu ditzakezu, bezeroek eskaintza hobeto uler dezaten eta esperientzia atsegina izan dezaten.

• Infografiak : Zure produktu edo zerbitzuen abantailak modu bisualean eta ulergarrian azal ditzakezu bezeroengana iristeko, zure mezua modu argi eta erakargarrian transmitituz.

• Blog edo webgunerako irudiak : Eduki digitaletarako irudi erakargarriak diseinatuz, zure webgunea edo bloga dinamiko eta interesgarriago bihurtuko duzu.

Canva erabiliz, zure negozioaren komunikazio eta marketin behar guztiak modu azkar, merke eta oso erakargarrian ase ditzakezu, zure denbora eta dirua aurreztuz eta emaitza bikainak lortuz.